Chwilio am hanes tad/taid William Hughes, maer Caernarfon yn y 50-60au. Ei enw oedd Robert Hughes ganed Llanbeblig c 1846. Bu yn gweithio i gwmni copr a sulphur Tharsis yn Spaen am beth bynnag bymtheng mlynedd. Mae ei enw i gael ar restr o weithwyr tramor yn gweithio yno yn 1887. Sut ddaru o gael gwaith yn Sbaen? Roedd ganddo ef a'i wraig Jane blant, dau wedi marw erbyn 1874; William a aned 1866 Llanrug; Jackie/John Hughes a aned yn Sbaen 1879 ond bu farw yn Glasgow 1891; a Hugh Hughes ganed 1869, a bu farw yn y Transvaal mewn damwain yn 1913. Roedd Hugh wedi ei benodi yn 'mining engineer' yn 1893 yn Neheudir Affrica. Dywed papur newydd fod ei gydweithwyr y Linlithgo wedi ei anrhegu ar ei ymadawiad. Mae'n debyg ei fod yntau yn gweithio i gwmni Tharsis Copper and Sulphur.
Bu Robert Hughes a'i wraig yn byw yn Tharsis Villa, Llanbeblig Road, Caernarfon.
A oes rhywun o'r teulu yn fyw heddiw?

Annwyl Llinos,

Nid yw yn arferiad gennyf ateb cwestiynnau ar Hanes Teulu, ond fe wnaf eithriad yn eich hachos chi.
Gwnaf hynny ar sail eich cwestiwn olaf sy'n holi a oes bosib' cysylltu ag aelodau o'r teulu sy'n fyw heddiw.

Rwyn credu bod. Roedd gan William Hughes (Willie Hughes, Sbaen i lawer yng Nghaernarfon) ferch o'r enw Mair a oedd yn yr Ysgol Sir yng Nghaernarfon (Syr Hugh heddiw)ar unwaith a mi, ond flwyddyn neu ddwy yn hyn na mi. Fe'i ganed hi tua 1925 ac phriododd gyda dyn o'r enw WALSH, perchennog Compact Factory yng Nghaerarfon (lle mae Maes Parcio y Cyngor Sir heddiw a nesaf at yr Archifdy). Cawsant un mab TIMOTHY pan oedd Mair yn 36 oed (c 1961) ac mae gennyf le ei feddwl ei fod yn dal i fyw rhywle yn y cyffiniau. Roedd cyd athrawes gyda Mair yn Ysgol Brynrefail (Mrs. Pat Twyrould) yn dweud ei bod wedi ei gyfarfod mewn priodas rai blynyddoedd yn ol.

Dyna'r cyfan, ond gobeithio y gall fod o gymorth ichi.

T MEIRION HUGHES

Hanesydd Lleol Tre Caernarfon

Diolch yn fawr iawn! Mae pob briwsionyn o wybodaeth yn werthfawr iawn.
Llinos