Wrth edrych ar yr ysgrifau coffa , fe wnes ddod ar draws un gweddw'r gwr yma , gwraig o'r enw Mrs Margaret Foulkes. O edrych wedyn ar censws 1871 , mae'n dweud iddo gael ei eni yn Llanddeiniolen yn 1839 . Tydw i ddim yn meddwl fod y dyddiad geni'n iawn , ond ni allaf gael hyd i unrhyw son amdano yn unrhyw gyfrifiad arall.
Mae'n ymddangos ei fod ddipyn o fardd hefyd , gyda'r enw barddonol, ac mi roedd o'n gynghorydd tref hefyd .
A oes unrhyw wybodaeth arall arno yn rhywle, ogdd ?
Rhedeg 'drapery' oedd o , mae'n ymddangos.

Annwyl Huw,

Diolch ichi am anfon cwestiwn i’r Fforwm parthed yr uchod, ond ofnaf mai ychydig o gymorth alla’ i fod ichi.

Edrychais ar y Street Directories a chanfod y canlynol:

1871 Mrs. Foulkes, Carnarvon Drapery Establishment, 1 Turf Square and 2 Eastgate Street.

1874 Edward Foulkes, Carnarvon Drapery Establishment, 1 Turf Square and 2 Eastgate Street.

1876) Mrs.Foulkes) Carnarvon Drapery Establishment, 1 Turf Square and 2 Eastgate Street.

1878) Carnarvon Drapery Establishment, 1 Turf Square and 2 Eastgate Street.

1886 Margaret Foulkes, 31, High Street. (London House arferid ei galw yn y 1940/50au, Siop Pethau Da ar y gornel lle mae Siop yr Air Ambulance heddiw).

Blwyddyn a man geni Edward – 1839, Llanddeiniolen. Os cafodd ei eni ar ol 1837 fe ddylai fod ar y Births, Marriages & Deaths.

Wn i ddim am ei hanes fel bardd ond efallai bod yna awgrym yn ei ffugenw Glan Peris. Nawr mae hyn yn awgrymu i mi mai ar yr ochr bellaf i Bont Penllyn yr oedd o’n byw oherwydd mae plwyfi Llanddeiniolen a Llanrug yn cyfarfod ar ganol y bont.

Huw,

Rwyf wedi cael golwg sydyn, ac fel rydych yn ddweud, does na ddim son am Edward Foulkes ar ddim cyfrifiad heblaw 1871 i fi weld.

Ganed Margaret Baugh Owen yn 1829, merch i Richard Owen, Draper o Bont Bridd. Priododd Edward Williams, Draper arall, yn Llanbeblig yn 1857. Ganed un ferch iddynt - Jane Mary yn 1859. Mae'r teulu ar y cyfrifiad 1861 yn Eastgate Street. Fe fu Edward Williams farw ar y 20fed o Dachwedd 1866.

Rwyf wedi methu cael hyd i briodas rhwng Edward Foulkes a Margaret, ond fel y dywedais, dim ond golwg sydyn rywf wedi gael.

Os da chi a diddordeb mewn chwilio ym mhellach rwyf yn darparu gwasanaeth ymchwil, a fedrwch gysylltu a fi ar enquiries@segontium.com

Keith.

Diolch - fe geisiaf gael golwg ar MIs Llanbeblig rhywbryd i weld os oes rhyw wybodaeth ynddynt.