Hoffwn weld os oes tystiolaeth i'r gwr yma a'i delu fod yn fyw ar ol 1851 (yn fras). Yr oedd yn gigydd yn Market Street, gyda'i wraig Margaret (g tua 1816 Llanberis/Llanddeiniolen) a'i blant Elin (g 1834), Esther (1842) a Richard (1845). Bu oddeutud 4 o blant eraill farw'n ifanc.
Mae gwr arall o'r un enw a'r un oedran yn marw yn Chapel Strret yn 1893, ond ni chredaf mai fo ydi o. Yr wyf yn dechrau amau i'r teulu fudo, ond hoffwn gael bar arall o lygaid un tro olaf, ogdd.

Hi Huw,

Dwi wedi cael golwg sydyn, ond fedrai ddim gweld dim son o'r teulu yn nunlle ar ol 1851, heblaw am gyfeiriad i John fel cigydd yn Slater 1853.

Dwi wedi edrych ar gyfrifiadau America hefyd, ond dim lwc!

Mae John Pritchard Jones, Chapel Street, yn ymddangos ar gyfrifiad 1891, ond tydi hwn ddim i weld fel yr un dyn. Mae'n cael ei ddisgrifio fel "Painter, Glazier, & Plumber."

Mae yna ddau farwolaeth John Pritchard Jones yn y mynegai marw sydd yn werth cael golwg agos arnynt - un yng Nghaernarfon ym 1864 ac yr ail ym Mangor ym 1865. Yn anffodus tydi'r mynegai ddim yn dangos oed yr ymadawedig ar y pryd.

Cofion,

Keith.

Popeth yn iawn - cefais wybod bellach ei fod wedi ymfudo i Awstralia, a marw yno yn 1875. Diolch yn fawr.